تجربة البالتوك




السلام عليكم و رحمة الله و بركاته ..




امبارح سطبت لأول مره في حياتي برنامج البالتوك الشهير


و البالتوك للي ما يعرفوش
برنامج يسمح لمستخدمه الدخول لما يسمي الغرف rooms
و في الغرف ديه ممكن تكتب و تتكلم بالصوت مع ناس مختلفه ..
ا
دخلت احد الغرف المصريه .. و بدأت اسمع و اشوف الناس و الشباب بيقولوا ايه و بيفكروا ازاي ..

انا كنت داخل الساعه 6 صباحاً .. قلت اكيد الناس هتكون نايمه

لاقيت ناس بالمئات !!!
المهم .. طبعاً البنات بتدخل تتمأصع << و سامحوني في الكلمه

و الشباب بيتمايصوا << و سامحوني برده في الكلمه
و حاجه قمة في قلة الأدب ..

مش عارف الشباب دول طيب مش لاقيين اي حاجه تانيه يشغلوا بيها وقتهم ..؟؟

طب و سهرانين من بليل كل يوم في التفاهه ديه ازاي ..؟؟

و ايه البنت ديه اللي اهلها مش قاعدين جمبها و هي بتستخدم النت و عماله تتمايص و تتدلع في الكلام مع شباب و ناس غرب عنها
انتوا ايه رأيكوا ..
و لا يمكن انا اللي من حظي العاسف ما شفتش غير الوحش بس اللي في الموضوع ..
طب يا تري انتوا فعلا بتستفيدوا من البتاع ده .. البالتوك !!

عاوز اسمع رأي أكبر عدد من الناس بجد في الموضوع ده ..

جزاكم الله خيراً ..

----------

8 تركوا بصمتهم:

الزهراء said...

السلام عليكم ورحمة الله وبركاته

اول تعليق بس ياخسارة مقدرش افيد
حضرتك بخصوص البالتوك ده كنت بسمع انه بتكون عليه دروس وخطب لشيوخ وسألت عن كيفية الاشتراك اخت من الناس اللى بتستفيد منه قالت انصحك بلاش
وسمعت كلامها ومجربتش
وبصراحة سماع الخطب ومتابعة الندوات له اكتر من طريقة تانيةغير البالتوك بعيد عن الشبهات مفيش مشكلة لو سمعت متأخر شوية عن الناس ولو مسمعتش اللى عالبالتوك يعنى مثلا انا خلصت سماع كل الخطب اللى موجودةعلى جهازى مش هتفرق معايا اوى البالتوك لان بسمع لاكتر من شيخ وغالبا ملمين بجيمع المواضيع اللى بحتاجها

.............
جزاك الله خيرا لتشريف مدونتى

walaa rizk said...

بصراحه أنا سمعت عنه ولكنى لم اجرب
ومعرفش الا ما حضرتك ذكرت عنه ونفسى اعرف المزيد
لكن ماجربتش ادخل

كان نفسى أفيدك بجد

همسة قلم said...

ةشوف يامحمد

البالتوك زيه زي عموم الانترنت فيه الكويس وفيه الوحش

وفيه الناس اللى بتستخدمه كويس وفيه الناس اللى بستخدمه بالشكل الوحش

البالتوك زي ما يحوي على غرف سيئة كثيرة جدا يحوي كذلك على غرف غاية في الروعة والادب والفكر والائدة زي غرفة سرايا الدعوة وغرفة فلسطين المسلمة وغيرهم

المهم في البالتوك هو كيفية الاستفادة منه فيما ينفع ولا يضر

زي الماسنجر زي المدونات زي المنتديات زي المواقع زي اى شئ في الانترنت حتى غرف الدردشة

انتقي ما يصلح ودع ما لا يصلح

:)

ابن ادم said...

الاخت الكريمه الزهراء ..

جزاكم الله خيراً علي المرور و الافاده

ابن ادم said...

الاخت الكريمه عاشقة الاقصي ..

ما انصحش حضرتك بتجربته

جزاكم الله خيراً

ابن ادم said...

همسه اختي العزيزه :)

اكيد كل حاجه فيها الحلو و فيها الوحش ..

انا عملت بمدأ السلامه و حذفته من علي الجهاز .. :))))

ما تحريمنيش من مرورك و افتكريني في التاجات :)

الفقيرة إلى الله أم البنات said...

إبن آدم
يا بنى
عارف طبعا اهل البنات دى مش مهتمين بيهم
سايبينهم وهما نفسهم مشغولين
عارف ان ربنا بيحفظ ابناء المتقين
يعنى لو أب وأم بيحاولوا يكونوا ملتزمين..ويسعوا قدر طاقاتهم واكثر لرضا الله
تجد رب العزة يحفظ ابناؤهم من أى شر...
صدقنى تقوى الابآء بتحفظ الابناء

نيجى بقى لغرف البال توك
هو فراغ..غير مستثمر كما يجب يزيد عليه الفضول
ومن هنا اذا لم يكن الشاب او الفتاه محصن بالايمان
يسقط
اسأل الله ان يحفظ ابناء المسلمين جميعا
مدونتك حلوة..دايما
انا متأخره عليك يا بنى
دمت بخير

أريج said...

البالتوك...
سمعت عنه كتير برضو...
لحد ما اقتحمته واحده عزيزة علي جداا
قالت لى ...أنا تجاهلت كل الغرف
وانجذبت بشدة لغرفة حوار المسلمين والنصارى للشيخ وسام
هى اتعينت فيها مشرفة واتعلمت كتير..
وسمعت منها حجات كتير أوى..
وعن كم من النصارى اسلموا على إيد الأخ ده ربنا يبارك له...
لأنه عنده علم واسع فى الشان ده...

لكن كنت بكتفى بسماعها بس...محاولتش أدخله...
ولأنى حبيت أتعمق فى العلم ده...سألتها عن الكتب...وبدأت أجيبها على أمل إنى أبدأ مع نفسى فيها..
أنا مدخلتش بسبب كلمة هى قالتها

أنا رغم الفايدة اللى استفدتها لو رجع بيا الزمن مش هدخله..
لأن مساوءه أكبر...رغم كونها غرفة اسلامية
بس اتعرضت لمضايقات كتير...هيا حاليا سابته...
ده خلانى أتجنب دخوله لأن
درء المفسدة مقدم على جلب المنفعة....

تدوينة طيبة...
جزاكم الله خيرا